लोक गीतबाट चर्चा कमाएकी चर्चित गायिका हुन् शीलु भट्टराई । तीज गीत र तिहारका गीतहरु गाएर उनले बजारमा नाम र दाम कमाइ सकेकी छन् । पछिल्लो समय उनको नाम नै काफी छ तीजका गीतहरुमा समेत । दमदार गीत गाउन माहिर मानिन्छन् उनी । यसवर्ष उनले चम्किए तरुनी तीजको गीत लिएर बजारमा आएकी छन् ।
अत्यन्तै ठट्यौली पारामा गाइएको र नृत्य अभिनय गरिएको सो गीतलाई धेरैले मन पारेका छन् । शीलु र खुमन अधिकारीको स्वरलहरी रहेको सो गीतको शब्द संयोजन रमेश बीसीले गरेका छन् । जेम्स बीसी र लोसिया एमसीले अभिनय गरेको सो गीतको निर्देशन क्रान्ति केसीले गरेका हुन् ।
तीजको पाहुरको रुपमा ल्याइएको सो गीतमा तन्नेरी र तरुनीका प्रसंग,माया प्रेम र जीवनका रमाईला पक्षहरुलाई समेटिएका छन् । तरुनीहरु रुपका कारण घमण्डी देखिएका छन् भने तन्नेरीहरु आफूहरु कुनै पनि कुरामा कम्ति नभएको सावित गर्दैछन् । गीतमा मस्त जवानीका लोभलाग्दा प्रसंगहरु जोडिएका छन् र त दर्शकहरु हेर्दै मख्ख छन् । यसवर्षको तीजमा बजार तताउन सक्ने अड्कल काटिएको सो गीतलाई आशीष म्यूजिक प्रालिले बजारमा ल्याएको हो ।

https://youtu.be/IYOs2c6R4dc