बुटवल लेडी जेसीजले २०७७ चैत्र १४ गते शनिवार जेसीज सप्ताहव्यापी कार्यक्रमको उदुघाटन गरी जेसीजको विभिन्न अवसरको क्षेत्र अन्तर्गत अभिभावकत्व तालीम, तनाव व्यवस्थापन, महिला सशक्तिकरण, मृगौला प्रत्यारोपण सहयोगार्थ आर्थिक सहयोग वितरण, प्रभावकारी भाषणकला तथा उद्घोषण तालीमजस्ता विभिन्न कार्यक्रम गरी जेसीज सप्ताह समापन समारोह भब्यताका साथ यही चैत्र २० मा सम्पन्न गरेको छ ।

अध्यक्ष जेसी शर्मीला राना ज्यूको अध्यक्षतामा मानव अधिकार तथा शान्ति समाजका केन्द्रिय अध्यक्ष गोविन्द खनालज्यूको प्रमुख आतिथ्यतामा सम्पन्न भएको थियो । समापन समारोहमा मूल संयोजक जेसीरुपा श्रेष्ठ पाठकले स्वागत मन्तब्य, कार्यक्रम संयोजक जेसी वेदना पाण्डेले जेसीज आस्था पाठ गर्नुभएको थियो ।

सहसचिव जेसी नुमा राहदीले जेसीजको मिसन भिजन पाठ गर्नुभएको थियो । कार्यक्रमका मातृशाखाका अध्यक्ष, पुर्व अध्यक्ष एवं सल्लाहकार ज्यूहरु,छिमेकी शाखाका शाखा अध्यक्षज्यूहरु, कानून साकोसका उपाध्यक्ष इन्द्रा बलाल, फेवा साकोसका उपाध्यक्ष प्रेम सोमै मगर, जेसीज तथा जेसीज वाहेकका सदस्यहरुको बाक्लो उपस्थिति रहेको थियो ।

कार्यक्रममा बोल्दै प्रमुख अतिथिले राजनैतिक आवरणमा अपराधलाई ढाकछोप र छुट कदापी दिनु हुदैन, महिलाको कामको सही मुल्यांकन हुनुपर्ने कुरामा जोड दिनुभएको थियो ।

आगामी दिनमा मानवअधिकार शान्तिसमाज र बुटवल लेडी जेसीजले सहकार्य गर्न सधैं तत्पर रहने बताउनुभयो । कार्यक्रममा मातृशाखाका अध्यक्ष गोपाल प्रसाद चापागाई, पूर्व अध्यक्ष एवं सल्लाहकार सिनेटर राधिका पोखरेल,पूर्व अध्यक्ष एवं सिनेटर मन्जु भुसाल,कञ्चन जेसीजका अध्यक्ष जेसी राधिका चौधरी,रामग्राम जेसीजका अध्यक्ष जेसी पुष्पा लामाले शुभकामना मन्तव्य राख्नुभएको थियो ।

अध्यक्ष जेसी शर्मीला रानाज्यूको महत्वपूर्ण भनाई र धन्यवादसंगै कार्यक्रम समापन भएको थियो । कार्यक्रम बुटवल लेडी जेसीजका महासचिव जेसी कमला लम्सालद्धारा सञ्चालन गरिएको थियो ।